Նորություններ

Պաշտոնական

Կայանների տեղադրումը շարունակվում է

14:00 / 03.06.2013

Հայկական ատոմային էլեկտրակայանի շուրջ անգլիական արտադրության GURALP-6TD մակնիշի 6 թվային սեյսմիկ կայանների տեղակայման մեծածավալ և բարդ մասնագիտական աշխատանքները շարունակվում են:
Օրերս ՀՀ ԱԻՆ աշխատակազմի «ՍՊԾ» գործակալությունում քննարկվեցին միկրոսեյսմիկ աղմուկի ֆոնային չափումների նախնական արդյունքները:
Որոշվեց չափումները շարունակել Սեյսմիկ պաշտպանության ծառայության գործող սեյսմիկ հեռաչափական «Մեծամոր», «Վանանդ», «Ամբերդ» և «Կապուտան» դիտակետերում, ինչպես նաև հիմնել 2 նոր դիտակետ` Նարեկ և Լեռնագոգ համայնքներում:
Սեյսմիկ դիտակայան հիմնելու համար անհրաժեշտ է ապահովել.
ա) դիտակետում սեյսմիկ աղմուկի հնարավորինս նվազագույն ֆոնային մակարդակ.
բ) սեյսմիկ կայանների անխափան կապը (ինտերնետ, ռադիոկապ եւ այլ).
գ) դիտակետի ապահովությունն ու անվտանգությունը:
Ստացված մեծածավալ տվյալներն իրական ժամանակում կհաղորդվեն ՍՊԾ տվյալների հավաքման, մշակման և վերլուծության կենտրոն։ Անհրաժեշտ տվյալները կհաղորդվեն նաև ՀՀ ԱԻՆ ճգնաժամային կառավարման կենտրոն: 

← Վերադառնալ ցուցակին