ՀՀ արտակարգ իրավիճակների
նախարարություն

Միշտ ունեցեք լրացուցիչ, պահեստային բանալիներ (բնակարանի, տան, աշխատասենյակի, չհրկիզվող պահարանի, ավտոմեքենայի և այլն), որոնք պետք է պահել տանից դուրս:

Բանալիների կապուկի օղակին շատ կախազարդեր հագցրեք: Կորցնելու դեպքում դրանք այդպես ավելի հեշտ կգտնեք:

Հնարավորության դեպքում բանալիները մի պահեք պայուսակի մեջ: Ավելի լավ է դրանք շղթայով ամրացնել գոտուց կամ պահել գրպանում:

Եթե չեք հիշում, թե որտեղ եք կորցրել բանալին, ապա անպայման փոխեք կողպեքը:

Երբեք չի կարելի բանալիները թողնել կողպեքի վրա, հատկապես դռան դրսի կողմից, նույնիսկ մի քանի րոպեով:

Անհրաժեշտ է բանալիները պահելու մի քանի անփոփոխ տեղ ունենալ (օրինակ` գրասեղանի դարակը կամ տաբատի աջ գրպանը):

Կողպեքը բանալիով փակելուց հետո ուշադիր եղեք, որ փականը մնա «չեզոք» դիրքում: Հակառակ դեպքում այն կարելի է բացել ընդամենը մեկ պտույտով` դանակի սուր ծայրով:

Բանալին չի կարելի հետը լոգարան տանել: Այն կարող է որևէ անհասանելի վայր ընկնել, իսկ հետո ստիպված կլինեք փոխել դռան կողպեքը: Ծայրահեղ դեպքում շղթայով բանալիները կախեք պարանոցից:

Բնակարանից չի կարելի դուրս գալ նույնիսկ մի քանի րոպեով, եթե վստահ չեք, որ ձեզ մոտ բանալի չկա:

Ընդհանրապես, սովորություն դարձրեք միշտ ձեզ մոտ բանալի պահել, նույնիսկ եթե տանը միշտ մարդ է լինում: Ով իմանա, ինչ կարող է պատահել: Անվտանգության կանոնները վերածեք սովորության: