Նորություններ

Պատահարներ

Երևանի Թաիրովի փողոցում հայտնաբերվել է նռնակ (թարմացված)

12:15 / 10.12.2021

Դեկտեմբերի 10-ին, ժամը 08։26-ին Ճգնաժամային կառավարման ազգային կենտրոն ահազանգ է ստացվել, որ Երևանի Թաիրովի փողոցի տներից մեկի մոտակայքում քաղաքացին նռնակ է նկատել։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը, Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի հրշեջ-փրկարարական և ինժեներական ջոկատի հերթապահ խումբը,  Հոգեբանական աջակցության բաժնի հերթապահ հոգեբանը։

Պարզվել է, որ թիվ 35/1 հասցեում գտնվող մթերային խանութի և թիվ 15 շենքի հարակից տարածքում (փողոցում) հայտնաբերվել է «РГД-5» տեսակի երկու մարտական ձեռքի նռնակ։

Սակրավորները հայտնաբերված նռնակները մարտական վիճակից բերել են տրանսպորտային վիճակի և հանձնել ոստիկանության Մալաթիայի բաժնի աշխատակիցներին։

← Վերադառնալ ցուցակին