Նորություններ

Պատահարներ

ՃՏՊ Երևան-Աշտարակ ավտոճանապարհին

03:56 / 23.08.2015

Օգոստոսի 23-ին, ժամը 03.45-ին ահազանգ է ստացվել, որ Երևան-Աշտարակ ավտոճանապարհին՝ Վահագնի թաղամասի մոտակայքում, տեղի է ունեցել ՃՏՊ, կան տուժածներ. անհրաժեշտ է փրկարաների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ «ՎԱԶ-2107» մակնիշի ավտոմեքենան բախվել է ճանապարհին կայանված «ԶԻԼ» մակնիշի բեռնատարին (տեղափոխել է գարեջուր):

Մինչ հրշեջ-փրկարարների կանչի վայր հասնելը «ՎԱԶ 2107» մակնիշի ավտոմեքենայից դուրս է բերվել անձը չպարզված մոտ 40 տ. տղամարդ (ուղևոր), ով «Արմենիա» ՀԲԿ հոսպիտալացման ճանապարհին մահացել է:

Ըստ ականատեսների՝ «ՎԱԶ 2107» մակնիշի ավտոմեքենայի վարորդը հեռացել է դեպքի վայրից, իսկ «Զիլ» մակնիշի բեռնատարի վարորդը բացակայում է:

← Վերադառնալ ցուցակին