Նորություններ

Պատահարներ

ՃՏՊ Տավուշի մարզում

19:00 / 30.12.2013

Դեկտեմբերի 30-ին, ժամը 18.45-ին ահազանգ է ստացվել, որ Տավուշի մարզի Մ-4 միջպետական ավտոճանապարհի Կայան-Իջևան հատվածում տեղի է ունեցել ՃՏՊ՝ հրդեհի բռնկմամբ:

Դեպքի վայր է մեկնել երկու մարտական հաշվարկ:

Դեռևս չբացահայտված հանգամանքներում Իջևան-Նոյեմբերյան ավտոճանապարհի 14-րդ կմ-ին Մերսեդես մակնիշի 79 ZZ 099 պետհամարանիշով ավտոմեքենան դուրս է եկել ավտոճանապարհի երթևեկելի հատվածից, բախվել ծառին և բռնկվել:

Մինչ հրշեջ-փրկարարների կանչի վայր հասնելը՝ ավտոմեքենայի վարորդ՝ 1979 թ. ծնված Դ. Ջ. տեղի ուժերով դուրս է բերվել ավտոմեքենայից և հոսպիտալացվել Իջևան քաղաքի ԲԿ:

Բժիշկները տուժածի առողջական վիճակը գնահատել են բավարար:

Հրդեհը մեկուսացվել է ժամը 19.27-ին, մարվել՝ 19.36-ին:


 

 

← Վերադառնալ ցուցակին