Տեխնիկական անվտանգության ազգային կենտրոն ՊՈԱԿ

Ղեկավար կազմ

Վարդան Դերենիկի Գևորգյան, «Տեխնիկական անվտանգության ազգային կենտրոն» ՊՈԱԿ-ի տնօրեն

Ծնվել է 1968 թվականի մայիսի 9-ին, Երևան քաղաքում:

1985 թվականին ավարտել է Երևանի թիվ 159 միջնակարգ դպրոցը:
1985 թվականին ընդունվել է Երևանի պոլիտեխնիկական ինստիտուտի մեքենաշինական ֆակուլտետի՝ մեքենաշինության տեխնոլոգիայի բաժինը:
1993 թվականին ավարտել է Հայաստանի պետական ճարտարագիտական համալսարանի լրիվ դասընթացը՝ ստանալով ինժեներ-մեխանիկի որակավորում:
1986-1988 թվականներին ծառայել է Խորհրդային բանակում:
1995 թվականին աշխատանքի է անցել ՀՀ ներքին գործերի նախարարությունում:
2014 թվականի հուլիսի 11-ին ազատվել է աշխատանքից համաձայն իր դիմումի՝ կենսաթոշակի անցնելու կապակցությամբ: Ծառայության ընթացքում զբաղեցրել է Կոտայքի մարզային վարչության Շտաբի հատկապես կարևորագույն գործերով ավագ տեսուչի, Կոտայքի մարզային վարչության Կոտայքի բաժնի օպեր լիազորի, Կազմակերպված հանցավորության դեմ պայքարի գլխավոր վարչության III-րդ վարչության I-ին բաժնի օպեր լիազորի, Կազմակերպված հանցավորության դեմ պայքարի գլխավոր վարչության III-րդ վարչության I-ին բաժնի հատկապես կարևորագույն գործերով ավագ օպեր լիազորի, Կազմակերպված հանցավորության դեմ պայքարի գլխավոր վարչության՝ III-րդ վարչության I-ին բաժնի պետի տեղակալի, Քրեական հետախուզության գլխավոր վարչության՝ III-րդ վարչության I-ին բաժնի պետի տեղակալի պաշտոնները:
2011 թվականից զբաղեցրել է Կազմակերպված հանցավորության դեմ պայքարի գլխավոր վարչության թմրամիջոցների ապօրինի շրջանառության դեմ պայքարի վարչության պետի պաշտոնը:
2013 թվականից զբաղեցրել է Սյունիքի մարզային վարչության Կապանի բաժնի պետի պաշտոնը:
2014 թվականի հուլիսի 14-ին ընդունվել է աշխատանքի <<Զանգեզուրի պղնձամոլիբդենային կոմբինատ>> ՓԲԸ՝ որպես վարչական տնօրենի տեղակալ:
2016 թվականի օգոստոսի 15-ից՝ տրանսպորտի դեպարտամենտի ղեկավար:
2017 թվականի փետրվարի 16-ին ազատվել է աշխատանքից` համաձայն իր դիմումի:
2017 թվականի ապրիլի 14-ից առ այսօր աշխատում է Արտակարգ իրավիճակների նախարարության <<Տեխնիկական անվտանգության ազգային կենտրոն>>ՊՈԱԿ-ում որպես տնօրեն:

Ունի ոստիկանության գնդապետի կոչում:


Անձնական տվյալներ

Ամուսնացած է, ունի մեկ զավակ:
 

 

Բաբայան Խաչատուր Գեորգիի, «Տեխնիկական անվտանգության ազգային կենտրոն» ՊՈԱԿ-ի տնօրենի տեղակալ

Ծնվել է 1961 թվականի մայիսի 5-ին, Երևանում:

1979 թթ.ավարտել է Երևանի թիվ 114 միջնակարգ դպրոցը:
1982 թթ. ծառայել է խորհրդային բանակում:
1988 թթ. ավարտել է Երևանի Պոլիտեխնիկական ինստիտուտի լեռնամետալուրգիական ֆակուլտետը, որակավորումը` լեռնային ինժեներ-շինարար:
1986 թ. ավարտել է Պոլիտեխնիկական ինստիտուտի հասարակական մասնագիտությունների ֆակուլտետը՝ ստանալով տեխնիկական թարգմանչի և ինֆորմատիկի որակավորում:
1988-1991 թթ. աշխատել է ԵրՊի գիտահետազոտական ամբիոնում, որպես կրտսեր գիտաշխատող:
1989-2006 թթ. աշխատել է <<Հայէլեկտրատեխհսկողություն>>տեսչությունում, որպես գլխավոր մասնագետ:
2006 թ. աշխատել է <<Ջի Էմ Մաղարո>> ԲԲԸ-ում, որպես Մղարթի ոսկու հանքի տնօրեն:
2006-2012 թթ.` «Տեխնիկական անվտանգության ազգային կենտրոն» ՊՈԱԿ-ում, որպես բաժնի պետ:
2012-2014 թթ.` «Տեխնիկական անվտանգության ազգային կենտրոն» ՊՈԱԿ-ում, որպես վարչության պետի տեղակալ:
2014 թ.-ին նշանակվել է «Տեխնիկական անվտանգության ազգային կենտրոն» ՊՈԱԿ-ի տնօրենի տեղակալ:

Անձնական տվյալներ

Ամուսնացած է, ունի երեք երեխա: